هذي حروفي في كريم الفعايل
مرســولـةٍ للـي بعــد ماقــراها
ماني من اللي يقبلون الرسايل
نفسي وروحي مغرمه في غلاها
حبه رسخ بين الضلـوع النحايـل
عـدى عـروق الجوف واللي وراها
ما شافته وضحى من الوجد هايل
واللي شــواني بالموده شــواها
عشقي سليل المجد وابن الحمايل
أنا فــدا روحـــه ونفســي فـداها
مثله لمـن خــلاّه وقتــه قلايــل
من يقصـده في حاجـةٍ له قضاها
له صيت عز وشيخ بين القبايل
صقر الصقور الحايمه في سماها
الطهـر ميزانه عــريب السلايــل
سـود الليالي للردى ما سـراها
أصيــل ودايم بالصفـوف الأوايــل
هو منيتي هو ضو عيني ومـاها
ماهمني العذال واهل العمايـل
اللي على رجـم الفشيله عـواها
حشــــا لغيـره مانـدور بدايــل
والنفـس تتبع من يثمّـن هـواها
وَديِ سلامي ياطيور الخمايـل
واهـديه من عطر المحبه شـذاها
الشاعره بدر الوفى





قيصرة القوافي
28/12/2009