أشبـــاه الرجـــال






تحية تقدير وإحترام لمن مر من هنا وقصيدة أشباه الرجال تخص ولا تعم وسبحانه اللي أنصف الحق.(اللهم لاشماته)

يامن على غيـرك وحـدك تعديـت
نصيحتـي لـك لا تعـدّى حـدودك
أنا على الشيمـه ولـدت وتربيـت
والظاهر ان الخبث طبعـك وجـودك
سكت ياالناقص واشوفـك تماديـت
أخسـاك ربـك ياذليـل وحشـودك
أنا على السنّـه وللفـرض صليـت
واما انت شف وقع الدنس في بنـودك
أنت الرخيص وناقص العقل والصيت
خسـران ماتنفعـك كثـرة نقـودك
خلك مع اشبـاه الرجـال الهلافيـت
فالمرجلـه والعـز تنكـر وجـودك
الحر ما يبغى من النـاس تصويـت
والـلاش مثلـك تحتفيـبـه ردودك
لا تحسب اني غافلـه يـوم صديـت
أناعمـى عينـك ولطمـة خـدودك
الرجل مايقدم على ما انت سويـت
الزود ناقص فيـك والنقـص زودك
تفطـر سخافـه والنذالـه تعشيـت
تربتك شينه وسطهـا طـال عـودك
ماقلت فينـا بكـره ايجيـك بالبيـت
يلغيك في عرضك ويلغـي عهـودك
لكن حسافه ظنتـي مـا تهقويـت
إنك على عرضـك تـوّزع قـرودك
أنـا قويّـة بـاس بالحـق داعيـت
ولي عزوة ٍ لو جوك تِكسَرْ عضودك
تظهر على الباطل وللحـق دسيـت
طبعك وضيع وطبع باقـي جنـودك
دام الكرامـه لـي وبالعـز ناديـت
القبـح برقـك والحقـاره رعـودك
عيشتك دايم في جحـور السرابيـت
نـارك رمـاد وذا بسبـة بــرودك
إخذ الحذر مني ولـو مـا توعيـت
إعرف ترا الشيطـان يمـي يقـودك
أدعي من الله كل ما اصبحت وامسيت
يجعل جهنـم مـن لظاهـا وقـودك
الشاعره بدر الوفى





قيصرة القوافي